ای شه مظلوم حسین وای

متن ترانه ای شه مظلوم حسین وای

ای شـه مظلوم حسین وای وای
بی کس و مظلوم حسین وای وای
گل بدنـون اوخلارا آمـاج اولوب
خیمهلرون ظلمیله تاراج اولوب
عورت اوشاق نصرته محتـاج اولوب
ای شه مظلوم حسین وای وای
قارداش حسین گردش تقدیره باخ
صبح و مسا ناله شبگیـره باخ
گـردن سجـادیـده زنجیـره باخ
ای شه مظلوم حسین وای وای
قانلو باشون نیـزهده شامـه گئدر
آیه قرآنی تلاوت ائدر
شمـر عیالــون ایلیــوب دربدر
ای شه مظلوم حسین وای وای
گئتدی بو صحـراده جلالون سنون
غارت اولوب مال و منالون سنون
قول قولا باغلاندی عیالون سنون
ای شه مظلوم حسین وای وای
کـرب و بـلا ملکـی سنه عرش دور
ایستی قوم اوستی قوری یئر فرش دور
زینبون اؤلسون بو نیجه نعش دور
ای شه مظلوم حسین وای وای
وئرمز امان شمـر و سنـان آغلیام
نعشوون اوستونده سینه داغلیام
اولمادی ممکن گوزووی باغلیام
ای شه مظلوم حسین وای وای
ویردولا شام اهلی باشون نیزیه
عترتون آردونجه گیدیر کوفیه
یوخسا قوناقسان بو گجه خولیه
ای شه مظلوم حسین وای وای
باشوی خولی آپاروب میهمان
بولمورم هاردا ویره جاقدور مکان
اولمیوب عالمده بیله میزبان
ای شه مظلوم حسین وای وای