جانانیمیز هله

متن ترانه جانانیمیز هله

جانانیمیز هله هله اوج فرّ اوسته دی
ابقای شرعِ عشق ئوزی بو دلبر اوسته دی
ای عالمه سرور حسین
عاشقلره رهبر حسین
بو مطلبی یازیبدی ملک ساق عرشیده
ساقی حسین دی مرقد ششگوشه میکده
ای مست جام کرب و بلا اولما غمزده
مستی محض بو می و بو ساغر اوسته دی
سبّوح که دیلله باشیمدا هواسیدی
اهل بشهت مسکنی صحن و سراسیدی
خلد برین ایئه آقامین کربلاسیدی
خلد برینیدنده اوقانلی یر اوسته دی
هر ناسواده عالم علم الیقین دیمم
هر ریسمان پاریه حبل المتین دیمم
بیر دین که بی حسین اولا ، اول دینه دین دیمم
احساسی ربطی یوخدی بو سوز باور اوسته دی
جانانیمیز خلیفۀ تام الهیدی
عشّاق عالمون شرف و مجد و شاهیدی
زَهری ائدن زهیر آقامین بیر نگاهیدی
تغییر حال، اول نبوی گوزلر اوسته دی
قربانلاری کسیلمیشیدی وقت تنگیدی
آئیینه نون اویان بویانی تیر و سنگیدی
قانه حسین باتسادا پیروز جنگیدی
هرچند رزمگاه بلا محشر اوسته دی
عشق حجّینون واری نه قضایا مناسینون
عطری گلور منای بلادن آناسینون
بیر تلّ زینبیه سی وار کربلاسینون
تلی که خاطراتی دم آخر اوسته دی
ای عالمه سرور حسین
عاشقلره رهبر حسین