کربلایه گلوری قافله

متن ترانه کربلایه گلوری قافله

کربلایه گلوری قافله
پا پیاده ولی پُر آبله
ای علمداریم اله آل علم
پیشواز ایت گلور اهل حرم
بالالار خسته و پریشان
هامی جان اوسته دیده گریان
قلبیمی فراق اوتی دلور ابوالفضل
گوره سن رقیه ده گلور ابوالفضل
ای علمداریم ابوالفضل

واحسین وا دیری دیده نَم
زینبیمدی گلیری قَد خم
شوقیدن صورته اشگین الیر
دیلده وار غملی حکایت گلور
داغ هجراندا باغری قاندی
دوت الیندن نیمه جاندی
تازیانه جسمینی سالوب عذابه
مین غمیله زینبی یوروب خرابه
ای علمداریم ابوالفضل

ناقه لرده غمیله هم نوا
یانا یانا گلیری بیر آنا
اکبرین آدی اولوب ازبری
اوتلوری قلبیمی غم شوزلری
سایه تک بیر نُماسی واردی
باشدا اکبر هواسی واردی
قلبیده فراق اوتی چکور زبانه
گوزیاشی اولوبدی صورته روانه
ای علمداریم ابوالفضل

غلملی نغمه یتوری گویلره
یاس دوتوبدی آناسی اصغره
غم هجرینده سینه داغلوری
اصغرین عطرین آلوب آغلوری
سوادروب غم گل بهارین
شوق اصغر آلیب قرارین
آیریلیق خزانه دوندردی بهارین
اوچ پَر اوخ یامان چووردی روزگارین
ای علمداریم ابوالفضل